Кино салите во САД се отвораат од 15 јули

47

Наjголeмиот киносинџир во САД, „Еј-Ем-Си“ деновиве најави дека ќе отвори поголем дел од своите киносали на 15 јули, на својата интернет страница.

Како што пренесува „Блумберг“, 450 од кината во целата земја ќе почнат со работа, откако беа затворени во март поради корона-пандемијата. Останатите 200 киносали ќе почнат да работат следниот период, а воедно ќе се одбележува и  100-годишнината на Еј-Ем-Си“, со оглед на тоа што киносинџирот е основан 1920 година.

Во почетокот ќе се прикажуваат само стари филмови, а постепеното враќање на вообичаениот формат ќе се случи следните 10 дена. Првата премиера ќе биде „Мулан“ на режисерот Ники Каро, во продукција на „Волт Дизни“.

Ограничувањата заради спречување на ширењето на коронавирусот, ќе бидат присутни. Така, бројот на места ќе биде намален за 30 отсто, паузите меѓу проекциите ќе траат подолго, дезинфекција на просториите ќе се врши неколку пати на ден. Бифеата во рамки на кината ќе го скусат менито, така што на љубителите на филмот ќе им останат само пуканките и безалкохолните пијалаци. Сите служители ќе треба да имаат лична маска и ракавици.

 

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.