Фестивалот „Литера“ распишува конкурс за илустрација за деца на темата „Свет со љубов”

77

Скопје 10 март: Меѓународниот фестивал за литература и илустрација за деца „Литера“ распишува конкурс за авторски илустрации на тема „Свет со љубов“. Сите заинтересирани илустратори може да се пријават со не помалку од 2, а не повеќе од 5 авторски дела – илустрации за деца. Конкурсот е отворен до 30 април.
Од пристигнатите дела ќе бидат избрани петмина илустратори. Тие заедно со повеќе реномирани илустратори од регионот ќе учествуваат на годинашното петто издание на фестивалот „Литера“ што ќе се одржи во мај во Музејот на современата уметност во Скопје. Изложбата наесен ќе патува и во Загреб, во македонскиот Културно-информативен центар.
Сите заинтересирани автори своите дела со куса биографија (на една страница) да ги пријават на имејл адресата: [email protected] со назнака: За конкурсот на „Литера“. Селекцијата ќе ја прави комисија, а победниците ќе бидат соопштени најдоцна до 8 мај.
Фестивалот „Литера“ минатата година прв пат организираше изложба на македонска современа илустрација, во рамките на фестивалот на детска сликовница „Овца во кутија“, што се одржа во истарскиот град Пазин. Изложбата доби одличен одѕив и одушевување на публиката и критиката. Фестивалот и во своето петто издание годинава ќе понуди богата програма фокусирана на илустрацијата и литературата за деца.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.