КулАрт.мк

На 18 ноември со почеток во 20.00 часот на сцената на Националната опера и балет ќе се  изведе балетот „Госпоѓа Бовари“, дело поставено во два чина, инспирирано од  безвременскиот роман на Г. Флобер. Балетот ја прикажува внатрешната борба на жената меѓу  копнежот по страст и слобода, и стегите на општествените норми – тема која останува актуелна  и денес.  Диригент на изведбата е Едуард Амбарцумјан од Ерменија, додека кореографијата ја  потпишува Виктор Ишчук од Украина, кој со прецизен и суптилен современ израз го доловува  духот на 19 век и емотивната комплексност на главниот лик. Музичката подлога е составена од  дела на Камиј Сен-Санс, Морис Равел, Жил Масне, Феликс Менделсон и Георг Фридрих  Хендл, со сценографија и костимографија на Андреј Злобин и Гана Ипатиева (Украина).  Светло-дизајнот е на Милчо Александров, концерт-мајстор е Климент Тодороски, пијанист –  Андреја Наунов, а менаџер на проектот е Киро Павлов.  Во главната улога на Ема Бовари ќе настапи примабалерината Марија Кичевска Шокаровска,  во улогата на Шарл Бовари, Франциско Хименез Руиз и Балаж Лочеи како Рудолф Буланже,  заедно со солистите, балетскиот ансамбл и оркестарот на Националната опера и балет.  „Госпоѓа Бовари“ ја претставува сложената психологија на главниот лик преку балет, музика и  сценска уметност. Со внимателно избрани музички партитури и динамична кореографија,  постановката ја доловува борбата на Ема Бовари меѓу личните желби и општествените  ограничувања. Секоја сцена е внимателно дизајнирана да ја истакне емоционалната  длабочина, визуелниот сјај и современиот пристап кон класичната приказна, создавајќи  незаборавно сценско искуство. 

Во 10-те топ тренд јадења и освежителни пијалоци, се сместени протеините, чајот и зеленчукот. Додека со шоља чај и коцка протен можете да ја поминете...

https://www.youtube.com/watch?v=WjqYTpE6Qdg

Вечер“ — македонски дневен весник со седиште во Скопје . Првиот број излегол во на 11 ноември 1963  година и весникот сеуште излегува како...

Долгометражниот филм „Ритам на животот“, e  соработката на продукциски куќи од неколку земји, меѓу кои и „Круг филм“ . Тој на 66 Филмски фестивал...

Со слоганот „Вкуси ја хармонијата на билките“, од 14 до 16 ноември, на приземјето во Скопје Сити Мол ќе се одржи годишниот „Фестивал на...