Зелено богатство на царската круна

Забранетиот град, величенствена царска резиденција на кинеските владетели, припадници на династијата Минг и Јинг, се наоѓа во самото срце на Пекинг, древна престолнина на империјата која ги поставила темелите на современата цивилизација. Тој е најголемата резиденцијална палата во светот. Раскошен комплекс кој се состои од 90 дворови, 980 градби и повеќе од 8.728 соби, иако се верува дека има 9.999 соби (9 е среќен број во Кина) на површина од 720.000 квадратни метри. Опколен е со ров 6 метри широк и високи 10 метарски ѕидини. Неговата изградба траела од 1406 до 1420 година и се проценува дека на неговата изградба работеле околу еден милион работници. Цели 500 години бил забранет за обичниот народ, и претставувал град во градот, се до 1912 година, кога последниот кинески цар Пу Ји абдицирал од престолот и забранетиот град бил отворен за јавноста. Денес, забранетиот град е најголемиот палата музеј кој е под заштита на Унеско од 1987година како значајно место за развојот на кинеската архитектура и култура. Годишно го посетуваат неколку милиони туристи, кои се воодушевуваат на боженствените градби, но и на магичната империјална градина. Ова рајско место е преполно со внимателно одбрани растенија и прекрасно бистро сино езеро Кунминг, околу кое се простира камено шеталиште кое е опкружено со дрвореди од жални врби. Има и бонсаи градина, како и многу други зелени богатства. Иако изобилува со многу растенија, вегетација, бонсаи градини и секакви уникатни билки сепак во надворешниот двор нема ниедно растение. 20% од музејот е сеуште забранет и во фаза на реставрација и се очекува да биде целосно отворен за јавноста во 2020 година.