Акција- Тотем без табу!

5

По повод 50 години Младински Културен Центар и 10 години Прво па женско се впуштаме во заедничка акција со сите Вас наречена ТОТЕМ БЕЗ ТАБУ!

Достоинственото менструирање и сексуалното здравје се дел од јавното здравје! На здружението „Тиииит! Инк.” и Младинскиот културен центар им е потребна вашата поддршка за собирање на средства за поставување на автомат со менструални продукти и кондоми, каде овие продукти ќе можат да се купат по набавна цена.

Стигмата, срамот и табуата за репродуктивното здравје на младите тврдоглаво ги шират пипците низ јавниот простор и создаваат една генерална непристапност до информации и алатки околу овој дел од јавното здравје. Оваа иницијатива има за цел да одговори на предизвиците со кои се соочуваат младите во пристапот до менструални продукти и контрацепција, вклучително и недостатокот на лесен и доверлив пристап до производи за одржување менструална хигиена и контрацепција.

Владата на РСМ го скрати буџетот за превенција од ХИВ за 40%, а според најновата студија за менструална правда која што Тиииит! Инк. jа изработи заедно со Реактор – истражување во акција, во државата 67% од испитаниците пораснале со ставот дека менструацијата и менструалната крв е срамна. Истражувањето покажа дека 32% од испитаниците одговориле дека барем еднаш во животот се нашле во ситуација да немаат пари да купат влошки и да мораат да импровизираат со крпи или тоалетна хартија.

Идејата зад поставувањето на ваков автомат е да се превенира ширењето на сексуално преносливите инфекции (СПИ) и да се намали менструалната сиромаштија, како и да се нормализира дијалогот околу менструирањето и практикувањето безбеден секс. Градењето здрав однос кон репродуктивното здравје и сексуалноста е клучно во создавањето на здрав однос кон сопственото тело.

Донирај денес на платформата ecrowd.mk!

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.