Во периодот од 31 октомври до 2 ноември 2025 година во Риека се одржа едукативниот проект „Пат кон изврсноста во поучувањето на македонскиот јазик“, чиј носител е Македонското културно друштво „Илинден“ – Риека, kоординатор Сашка Соломоновска Јаневска, а проектот е финансиран од Министерството за наука и образование на Република Хрватска.
Во проектот учество зедоа наставничките по македонски јазик по Модел Ц во Хрватска, кои активно работеа на унапредување на своите компетенции и методички пристапи во наставата.
Посебна благодарност до водителката на работилниците Ана Братулиќ за професионалното и инспиративно излагање на зададените теми, како и до претседателот на Заедницата на Mакедонците во РХ Илија Христодулов и претседателката на МКД „Илинден“ Ивона Дуноски за нивната поддршка, гостопримство и посветеност во реализацијата на проектот.
Со вакви иницијативи се создаваат услови за постојан професионален развој и унапредување на наставата по македонски јазик во Република Хрватска.
Галерија од настанот. Фотографиите се од Деспина Велинска, наставник по македонски јазик и култура во Загреб.
