НУ Григор Прличев: Шест нови книги за деца со шарени страници

316

Охрид, 27 октомври, 2021 година  

Детскиот оддел на НУ Библиотека „Григор Прличев“ деновиве е збогатен со уште шест книги кои ги чекаат новите читатели.

Се работи за следните интересни наслови:„Новиот цар“ од Томислав Османли. Ова е првиот драмски текст кај нас на тема од Библијата. Османли ја разработува приказната за раѓањето на Исус.

  

„Аги и Ема“ е насловот на книгата од авторот Игор Коларов. Најавена е како нежна приказна за едно вистинско пријателство.

  

„Вистинската приказна за двете соседни кралства“ е исто така интересна приказна срочена од Марија Костадиновска.

На полиците на Библиотеката можат да се најдат и останатите три наслови: „Брзалки без врзалки“ од Стојан Тарапуза, „За секоја буква приказна“ од Владо Димовски која е за децата од претшколска возраст.

                    

Последен предлог за оваа среда е книгата „Дете мое“ од авторките Хилде Хагеруп и Кристин Роскифте.  Издавачи се: Детска радост, Либи и Литература мк.

Годишната членарина  за деца е 200 а за возрасни 300 денари. Пултот за издавање во библиотеката работи секој ден од понеделник до петок од 8 и 30 до 18 и 30 часот.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.