Објавена книгата „Бајачките обреди како дел од македонската народна култура“ 

13

На 14 јуни со почеток во 20:00 во Кафе Ли ќе биде промовирана книгата „Бајачките обреди како дел од македонската народна култура“ од м-р Ана-Марија Бранѓолица во издание на „Фуснота“.

Промотор на книгата е Душко Крстевски.

Главен уредник на книгата е Драгана Евтимова.

Дизајн на корица изработи Мите Спасовски.

Предмет на истражување во научниот труд на Ана-Марија Бранѓолица е феноменот на баењето, како интегрален дел од македонската народна култура, а опсервацијата на баењето како магиски обред вклучува детално истражување на обредните постапки и реквизити што ги применува лицето што бае и што раководи со обредот. Една од клучните цели во истражувањато на Бранѓолица е да покаже дека баењата претставуваат централна сила во исцелувателската улога, каде што баењето како севкупно истражување има своја логика и своја поетика, па оттука произлегува и главната цел на овој исклучителен научен труд на авторката. Токму затоа, научното истражување на Ана-Марија Бранѓолица заслужува посебно внимание во нашата книжевност и во нашиот простор кај читателите, а особено добива свој простор за понатамошна дискусија., вели Душко Крстевски.

Книгата ќе биде достапна за продажба на промоцијата по промотивна цена, а потоа и во книжарниците.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.