Прозарт медиа стана член на Интернационална алијанса на независни издавачи

15

Издавачката куќа Прозарт медиа стана првиот член од Македонија на престижната Интернационална алијанса на независни издавачи.
Во Алијансата, којашто е оформена во 2002 година, членуваат повеќе од 800 издавачи од сите континенти, односно од шеесетина земји.
Алијансата се стреми кон промоција на независните издавачи, служи како место за експериментирање и размислување преку Опсерваторијата за библиодиверзитет, но и како лабораторија за алтернативни уредувачки практики. Алијансата организира и вмрежувања на издавачите членови, онлајн саеми на книга итн итн.
Една од целите во програмата 2022-2025 е потврдување и бранење на слободата и еднаквоста на говорот, а Алијансата ќе се бори и за враќање на рамнотежата помеѓу земјите извознички на книги и земјите увозници.
Преговорите за влез во Алијансата започнаа во 2022 година на Саемот на книгата во Франкфурт, каде што Прозарт медиа и уредникот Дејан Трајкоски беа поканети во престижната Invitation program заедно со 20 одбрани издавачи од целиот свет.
Неколку од авторите на Прозарт медиа веќе се претставени и промовирани пред издавачите на Алијансата.
Прозарт медиа е организатор на Интернационалниот литературен фестивал ПРО-ЗА Балкан и на Скопје фелоушип програмата.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.