Тијана Периќ со “Бумеранг” направи бум на “Макфест 2023”

137

Младата пејачка Тијана Периќ со песната “Бумеранг” направи бум како дебитант на 38. издание на Макфест. Ја имаше честа да ја отвори ревијалната вечер и да импресионира со прекрасниот настап во придружба на танчерите од “Акваденс”, а облечена во прекрасна креација на Ива Спасовска.
Нејзиниот настап ѝ донесе пласман во првите пет, според оценката на жирито.
Настап на Макфест на младата пејачка ѝ беше една од остварување на целите, на сцената на која настапиле или блеснале многу најголемите македонски sвезди.

-Да се појавам на Макфестовската сцена за мене беше остварување на една од многуте музички желби и цели, затоа што тоа е сцена на која што настапиле најголемите македонски sвезди и настанале безброј македонски безвременски хитови. Мојот настап оваа година беше сосем спонтан, но мислам дека сето тоа го направи уште поинтересно целото мое искуство и ќе ми остане засекогаш врежано во мене. Покрај што настапив првата вечер, поминав во оние пет кои настапуваат и на ревијалната вечер и тоа беше навистина голема среќа затоа што бев одбрана од прекрасно жири и навистина ми беше чест, а уште поголема чест ми беше што бев прва и ја отворив ревијалната вечер и ја делев таа вечер сцената со веќе многуте познати музички имиња. Задоволна сум од својот настап во целина затоа што имав прекрасен тим позади мене кои помогнаа песната да звучи модерно и како што многумина луѓе кажаа “да не излезе од глава”, а воедно и сценски настап кој ќе се издвои и ќе биде претпознатлив и запаметен сам по себе, изјави Тијана.
Песната “Бумеранг” ја напиша Ефтимија Јованова, а во тимот за целосно подготвување на песната учествуваа и браќата Јован и Иван Јованови. Спорот за песната го направи Александар Ристовски Принц.
Тијана вети дека и во иднина повторно ќе пее на Макфест. Зад себе има две балади “Писмо” и “Сонувам”, а својата следна песна со видео запис ја најавува за почетокот на декември.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.