Цветиновата награда за мир деновиве беше доделена, овој пат на млада активистка Дина Факиќ од Скопје, вклучена на полето на хуманитарните акции. И покрај својата здравствена ситуација, таа редовно помага во активности и кампањи за подигнување на социјалната свест кај луѓето и за правата и еднакво прифаќање на лицата со попречености.
Воедно, ова е најмладата личност која ја има добиено оваа награда од рацете на нашиот уметник и хуманист, но и повеќекратен кандидат за Нобелова награда за мир, господинот Живко Поповски Цветин.
Наградата ќе ѝ донесе уште поголем мотив на младата девојка, за и натаму непоколебливо да зема учество секаде каде што е потребна.
