Реализирана обука за паметно земјоделство

41


23 октомври 2023

Фондацијата за локален развој и развој на информатички технологии – Гевгелија, продолжува со обуките предвидени во рамки на Проектот „ИДЕАС“. На тема: „Паметно земјоделство“, во Дојран, неодамна, беше одржана обука на која имаа можност да учествуваат млади лица од Гевгелиско- Валандовскиот Регион.
Обуката имаше за цел како да се применува паметното земјоделство за да се олесни животот на земјоделскиот производител, да се зголеми продуктивноста на една производствена површина и да се заштедат ресурси, како на пример вода, ѓубрива или пестициди, бидејќи се базира на планирање, анализи и активности базирани врз анализите.
Инаку, Проектот „ИДЕАС“ се имплементира преку ИНТЕРЕГ ИПА Програмата за прекугранична соработка „Грција- Република Северна Македонија, за програмскиот период 2014-2020“, финансиран од Европската Унија и националните фондови на земјите учеснички.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.