Долгометражниот филм „Ритам на животот“, e соработката на продукциски куќи од неколку земји, меѓу кои и „Круг филм“ . Тој на 66 Филмски фестивал во Солун, каде што беше и премиерно прикажан, освои три награди.
Филмот доби две награди од публиката во категориите „Грчки филм“ и „Meet the Neighbors“, како и наградата „Crew United“.
Главен продуцент на „Ритам на животот“ е грчката продукциска куќа „Соул Продукција“, а копродуценти се и Дејан Крајчевски од македонската „Круг филм“, како и продукциски куќи од Бугарија, Кипар Црна Гора и Франција.
Филмот ја раскажува приказната за младата Лена, 20-годишна девојка која живее во Атина со семејството, работи во локален супермаркет, но поради сиромашниот живот секојдневието и е исполнето со напнатост и сака да започне свој живот, но сѐ ќе се смени кога ќе добие отказ, истовремено дознавајќи дека е бремена.
Премиерата беше во натпреварувачкиот дел „Meet the Neighbors“, а Баста изрази задоволство што филмот учествуваше токму во овој дел, бидејќи, како што рече, „самиот филм е создаден од земји кои се соседи, копродукција од неколку земји, повеќето се балкански земји Грција, Северна Македонија, Бугарија, Црна гора, како и Кипар и Франција“.
Сценариото на „Ритам на животот“ е на Димитрис Накос и Америса Баста, која воедно е и режисерка.
Во главната улога, во улогата на Лена е младата грчка актерка Елина Циорбаѕи, а кастингот е составен од млади актери, но и постари и веќе искусни актери од Грција и од Албанија.
