Europe House најавува три театарски претстави и нови културни содржини за граѓаните на Kочани кои ќе се одржат на театарска сцена во Центар за култура „Бели Мугри“.
Целта на оваа есенска културна и едукативна активност е, како што велат од Europe House, да го збогати локалниот културен живот и да отвори нови простори за соработка и креативност.
Октомвриската програма се реализира во партнерство со Националната установа Центар за култура „Бели Мугри“ – Кочани и организацијата SupportKochani, обединувајќи институции и заедници околу идејата дека културата е најсилниот јазик на поврзување.
Програмата во октомври ќе донесе три театарски настани што ја спојуваат драмската уметност со различни генерации на публика.
На 25 октомври во 20 часот, кочанската коччанската публика ќе има можност да ја види претставата „Синиот портокал“ во изведба на Театарот „Јордан Хаџи Константинов – Џинот“ од Велес.
На 27 октомври во 13 часот, најмладите гледачи ќе уживаат во класичната приказна „Црвенкапа“ на Театарот за деца и младинци од Скопје, во современа сценска адаптација.
Овој тридневен настан ќе заврши на 29 октомври во 20 часот со претставата „Сите прекрасни нешта“ на Народниот театар од Штип, прикажувајќи една емотивна и интроспективна приказна за надежта, љубовта и смислата да се остане човечен дури и во најтешките мигови.
