Изложба на фотографии од Ристо Шишков

Вечерва во 20 часот, во бифе „Тафталиџе“ ќе биде отворена изложбата со фотографии од актерот Ристо Шишков. Изложени ќе бидат фотографии кои се дел од неговиот филмски и театарски опус, како и фотографии на кои се прикажани моменти од неговиот приватен живот.
Ристо Шишков беше истакнат театарски и филмски актер. Роден е во 1940 во селото Мрсна и бил меѓу децата бегалци од Егејска Македонија. Во 1957 почнал да глуми во Народниот театар „Антон Панов” во Струмица. Во 1962 дипломирал глума на Театарската академија во Белград, а по двегодишната работа во Југословенско драмско позориште во Белград, во 1964 станал член на Драмата на Македонскиот народен театар. Играл во 54 театарски претстави и снимил 11 филма, пет телевизиски драми, три ТВ-серии и повеќе радиодрами.
Оваа избложба е организирана од неговото семејство.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.