По повод Светскиот ден на туризмот, кој традиционално се одбележува на 27 септември, Министерството за култура и туризам, денеска реализрше настан во Крушево, на тема: „Одржлива трансформација во туризмот”.
Настанот имаше за цел, да поттикне дијалог и размена на искуства меѓу професионалците од туристичкиот сектор, локалните заедници и институциите, со фокус на добра практика и иновативни решенија кои придонесуваат за одржлив развој во туризмот.
Во рамките на програмата беше одржана панел-дискусија со учество на претставници од туризмот и носители на иницијативи за одржлив туризам. Беа презентирани, конкретни примери на успешни приказни, како и идеи за подобрување на туристичката понуда на национално и на локално ниво.
Покрај дискусиите, посетителите имаа можност да уживаат и во богата програма, која вклучува: презентација на традиционални занаети, дегустација на крушевски специјалитети, активности на отворено – јавање коњи, велосипедизам и кајакарење по езерото.
