Терапија во шума или шумска терапија, практика што вклучува долги прошетки во природа, а за која се верува дека помага во намалување на стресот, намалување на крвниот притисок и зајакнување на имунитетот, за прв пат се воведува во словенечкиот образовен систем во градот Накло.
Биотехничкиот центар Накло ја предводи иницијативата за интегрирање на шумската терапија во наставната програма, како и организирање работилници, објави словенечката новинска агенција СТА.
Здравствените придобивки од оваа практика делумно се припишуваат на фитонцидите, природни антимикробни соединенија што ги ослободуваат дрвјата, за кои научни истражувања покажуваат дека можат да го намалат воспалението во телото.
Оваа програма во Накло е наменета за студенти и вработени.
Шумската терапија вклучува прошетки низ шумата од два до три часа, за кое време систематски се отвараат сите пет сетила.
Преку вежби за дишење и свест им се помага на учесниците да постигнат состојба на релаксација и да ги примат позитивните ефекти од природата.
Водачот на програмата Логар наведува дека оваа практика е глобален тренд и едноставно, ефикасно решение за современиот човек во потрага по рамнотежа на телото, умот и духот.
преземено од www.sta.si
