Децата со Даунов синдром во Македонија добија свој центар

880

Вчера во Скопје беше отворен првиот Дневен центар за Даунов синдром во Република  Македонија. Новиот Центар се наоѓа зад Соборниот Храм а целата адаптација и опремување е во соработка со родителските здруженија на децата со Даунов синдром и комплетно одговара на потребите на децата за поддршка на нивниот психофизички развој.

Во Центарот е поставена опрема за подобрување на физичката состојба на децата, односно справи за трчање, пинг- понг маса, топки за пилатес, опрема за развој на фина моторика и друга дидактичка опрема, но и соби за одмор и хидро масажa. Дополнително, на долниот спрат е поставена кујна со сите содржини, бидејќи во иднина планирано е да се развие и социјално претпријатие, односно кетеринг сервис. На овој начин децата и младинците од Центарот со поддршка на стручни лица и родителите, ќе можат да бидат и работно ангажирани.

Развојот на Центарот се одвива со поддршка од лица на Центарот за социјална работа, Заводот за социјални дејности и Градот Скопје, кој веќе финансира проект за поддршка на децата со Даунов синдром во рамките на овие простории. Се е во соработка со родителите на децата, и со Граѓанските организации како Трисомија 21, со кои министерството за труд и социјална политита развива партнерски односи од самиот почеток.

Центарот е достапен и отворен за сите деца со Даунов синдром, кој можат континуирано да ги користат предностите и услугите од истиот.

 

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.