Годинешново издание на Мајските оперски вечери, ќе се одржи онлајн

647

Оваа година Македонската опера и балет ќе ги  одбележи Мајските оперски вечери на еден поинаков начин, со надеж што поскоро да се врати стандардната форма со магијата на сцена. На  официјален YouTube канал, љубителите на оваа уметност ќе имаат можност да проследат 10 наши продукции, 8 оперски и 2 балетски, со кои ќе бидат одбележани Мајските оперски вечери.

За почеток, на 9 мај ќе можете да ја проследите дигиталната премиера на најновата продукција на операта „Кармен”, на 12 мај балетската претстава „Рајмонда”15 мај „Турандот”17 мај Кавалерија Рустикана и оперскиот концерт по повод 70 години од оперската уметност. На 19 мај ќе имате можност да го проследите балетскиот концерт „Балетски бисери” а на 22 мај операта „Фауст”. На 24 мај, по повод празникот „Св. Кирил и Методиј” ќе имате можност да ја проследите операта „Лидија од Македонија” од Ристо Аврамовски. Операта „Адријана Лекуврер” ќе биде емитувана на 26 мај, а операта „Травијата” на 29 мај. За крај традиционално, како што и би го завршиле фестивалот Мајски оперски вечери, на 31 мај ќе ја емитуваме операта „Аида”.

Директорот на Националната опера и балет, м-р Васо Ристов вели дека Мајските оперски вечери се крстопат на цивилизации и култури од целиот свет. Почитувани вљубеници во оперската уметност, колеги уметници, драги соработници, почитувана публико,Ви благодарам што за изминатите 47 години на одржување на Мајските оперски вечери секогаш сте ни давале поддршка, исполнувајќи го нашиот салон со топлина и љубов. За жал пандемијата ги промени сите планови што ги имавме за овогодинешните 48-ми по ред Мајски оперски вечери, но сепак засега ќе ги одбележиме со избор од онлајн престави во текот на целиот месец мај.

Уметничкиот раководител на операта, м-р Бисера Чадловска вели: Ова е период од годината кога ние, вработените во Националната опера и балет, сме секогаш најпродуктивни и во зенитот на нашата оперска и балетска сезона. За нас, 9 mај е најочекуваниот ден во годината, ден до кој доаѓаме по период исполнет со макотрпна работа, труд но и возбуда поради тоа што не очекува во текот на месец мај. Нам уметниците, оваа година ќе ни недостига чувството на исполнетост, креативен порив и адреналинот кој го чувствуваме додека сме на сцена за време на нашите претстави. Верувам дека сите емотивно го доживуваме овој перод и со нетрпение очекуваме да се вратиме на нашите работни места. Сите ние кои се занимаваме со музика знаеме дека ја имаме најубавата работа на светот. И бидејќи постоиме за вас, нашата верна публика, сега од вас ја бараме најголемата поддршка. Во месец мај споделувајте ги линковите од нашите претстави и не не заборавајте. 

За распоредот на закажаните дигитални премиери следете ја  веб страната на МОБ  www.operabalet.mk, и можете да се претплатите  официјалниот јутјуб канал www.youtube.com/user/makoi

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.