Иги Ман сними песна, со која го најавува албумот во чест на својот незаборавен Татко

296

Младиот повеќестран уметник Игор Станоевски, алијас Иги Ман сними нова песна за радио промоција, со најава со која го привлече вниманието, а го поврзува со своите семејни корени.
-Станува збор за наследена песна од татко ми за која напишав текст, а гостува вокалистот Бранислав Николов од “Фолтин”. Оваа песна е снимена во “Студио Алшар”. Тон Мајстор е Ивица Јанкуловски со кого ја делиме и продукцијата на песната. Се појавуваат Дарко Мучев Мучо на бас и Бодин Попов на тапани, додека гитарите ги свирам јас, во насока и стилот на татко со цел да го доловам неговиот тон, вели Игор.
Интересно е што песната датира од крајот на 70-тите или почетокот на 80- тите години и е дел од арсеналот на песни кои ги наследил од својот татко, познатиот музичар и новинар Петар Станоевски.
-Со неа сакам да го најавам претстојниот албум Unforgetable You посветен на татко ми. Албумот е завршен минатата година. Меѓутоа мислам дека му недостигаше песна на македонски јазик, покрај неколкуте теми на англиски јазик, како и инструменталните композициции кои доминираат на албумот, ја завршува својата информација за песната и албумот.
Петар или Перо– Пешак како што го знаеја во скопските музички кругови, беше новинар и уредник во дневниот весник “Вечер”, одличен музичар и извонреден гитарист, посветен на рокенролот и блузот. Дел од “Ловци на бисери”, со кои своевремено извадија и касета и остварија низа гостувања на Македонската телевизија.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.