Нордиска поддршка за поголема вклученост на граѓански организации и медиуми, со проекти за ЕУ интеграција

959

Кралството Шведска преку проектот Нордиска поддршка за напредок на РС Македонија обезбеди 520,000 евра за поддршка на граѓански организации и медиуми со цел да се поттикне нивното активно учество и вклученост во процесот на пристапување во ЕУ.

Јавниот повик има за цел да помогне во зголемување на инцијативите на граѓанските организации и медиумите да ги следат, да се залагаат и да учествуваат во активностите кои се поврзани со спроведување на клучни реформи поврзани со процесот на пристапување во ЕУ, обезбедување на добра законодавна рамка и развој на одржливи политики кои ќе бидат од корист на граѓаните.

Регистрираните граѓански организации и медиуми имаат можност да аплицираат за грантови до €33,000 во рамките на делот на повикот кој е наменет за поддршка на граѓански организации и грантови до €80,000 во рамките на делот кој е наменет за поддршка на медиуми. Предлог проектите треба да бидат со период на имплементација од осум до дванаесет месеци и да се достават до 30 октомври. Деталните критериуми и потребната документација за пријавување може да се најдат на веб страната на проектот nordiskapoddrska.org.mk.

За сите заинтересирани организации ќе се организираат три информативни сесии  за презентирање на повикот, споделување на дополнителни информации и појаснување на одредени прашања за повикот во Тетово (19 септември, хотел Меркур), Битола (24 септември, хотел Епинал) и Скопје (27 септември, хотел Бест Вестерн) сите со почеток во 12 часот.

 

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.