Во тек на ноември Норвешките археолози пронајдоа закопан ретко долг брод во средновековно археолошко наоѓалиште југоисточно од Осло, Ѓелестад. Ова е прво вакво ископување во Норвешка последниве 100 години, пишуваат тамошните медиумите во земјата.
Поголемиот дел од бродот е изгниен низ вековите, но археологот д-р Кнут Пасха од Норвешкиот институт за истражување на културното наследство, верува дека распоредот на железни клинци сепак ќе овозможи изработка на реплика. Бродот бил долг околу 19 метри и широк пет метри, што го сместува на исто ниво со добро сочуваните викиншки бродови „Осеберг“ и „Гокштад“ кои се изложени во норвешкиот главен град Осло. Овие бродови биле пронајдени на западната страна на широкиот фјорд Осло.
Овој воени брод пронајден во Ѓелестад потекнува од времето меѓу 750 и 850 година, кога Викинзите обично пловеле кон британските острови, па го напаѓале и колонизирале крајбрежјето, за што сведочат археолошките остатоци, како и нордиските зборови и имиња на Островот денес. Нордиските Викинзи исто така стигнале и на Исланд, Гренланд, па и Њу Фаундленд и во Северна Америка.
Истражувачот д-р Кнут Пасха, вели дека првичните сознанија говорат дека е многу поразличен од другите бродови, а „тоа е навистина возбудливо“, како што нагласи археологот. Се претпоставува оти во него, можеби бил закопан крал.