Рацнови средби 2019 -Македонскиот поет Кочо Рацин е признато светско културно наследство

1628

Годинешното издание на поетската манифестација Рацинови средби во Велес го заврши свое 56-то издание. Меѓу присутните а и јавноста одекна информацијата која  ја соопшти писателот и професор Људмил Спасов, дека Кочо Рацин и официјално е признат за светско културно наследство.

Со врачување на високото Рацинов признание за 2019 година на проф. др. Венко Андоновски за романот „Припитомување на кучката-раскази за лудилото“ и на Почесното Рациново признание за 2019 година на проф. др. Милан Јазбец синоќа во Велес завршија годинашните 56-ти по ред Рацинови средби.

-Не само затоа што Рациновите средби се пандан на Струшките вечери на поезијата, со тоа што таму наградите се доделуваат за поезија, а овде за проза, туку затоа што фигурата на Рацин ја доживувам како исклучителна културна фигура на која можат да и позавидат многу поголеми народи, култури и цивилизации, потенцира Андоновски при примањето на високата награда.

Јазбец, писател преведувач, професор и актуелен Амбасадор на Република Словенија во земјава примајќи го високото Почесно Рациново признание за 2019, истакна дека тоа му претставува посебна чест, признание и награда. -Многу сум среќен и почестен што моето книжевно остварување, особено поезијата претставуваат мост меѓу нашите две земји, луѓе и култури. Тоа е најмногу што можеме да си дадеме едни на други, потеницира Јазбец.

Вечерта беше збогатена со концерт на Драган Даутовски трио. Инаку вчера во рамките на 56- те  Рацинови средби се одржа вторта возобновена Меѓународната научна конференција на тема „Светлина на зборот“ – јазични и книжевни аспекти во поезијата на Кочо Рацин и Матеја Матевски на која учествуваа еминентни професори по оваа област од земјава и странство.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.