Kомична оперска претстава во еден чин ќе се одигра на Први февруари 2023 година, во 20 часот, на мала сцена на НОБ.
Рита“ е приказна за младата и убава Рита, вплеткана во сплетките и интригите на брачните недоразбирања, со комичен, среќен завршеток.
***
РИТА – Гаетано Доницети
Либрето: Густаво Ваез
Дејството се случува во Бергамо (Италија).
Рита е сопственичка на преноќиште и вдовица на Гаспаро, сопруг кој ја малтретирал и според нејзино сознание настрадал во бродолом.
Во меѓувреме Рита го запознава Бепе, човек кој многу и помогнал во гаснењето на пожарот во нејзината куќа и се мажи за него. Новиот сопруг е сосема различен од поранешниот Гаспаро.
Рита поттикната од претходното искуство, се наметнува во новиот брак, па дури и го малтретира Бепе, на ист начин како што ја малтретирал Гаспаро.
Одненадеж се појавува Гаспаро, кој го преживеал бродоломот и сега живее во Канада, каде што се стекнал со големо богатство. Тој се вратил во Бергамо за да добие потврда дека Рита не е жива за да може да склопи брак со вереницата во Канада.
Гаспаро доаѓа во преноќиштето на Рита и го наоѓа Бепе. Во меѓусебниот разговор, Гаспаро го учи Бепе како да се однесува со жените, но при покажување на личната карта на Гаспаро , Бепе сфаќа дека тој е „починатиот“ сопруг на Рита. Го моли да му помогне да се ослободи од малтретирањето на Рита.
Единствената цел на Гаспаро е да го добие документот дека бракот со Рита не важи и применува трик за реализација на својата идеја.
Се случува дуел помеѓу Гаспаро и Бепе, а победникот треба да продолжи да живее со Рита. Но Рита и Бепе ја откриваат измамата.
Гаспаро го добива бараниот документ, а Рита и Бепе продолжуваат да живеат во среќен брак, зашто Рита му ветува на Бепе дека нема повеќе да го малтретира.
***
Настапуваат:
Рита: Aна Ројдева
Бепе: Јане Дунимаглоски
Гаспаро: Ернес Ибраимовски
Бартоло: Борко Биџовски
Инспициенти: Љупчо Полизов, Драган Костадиновиќ, Марко Павлевски
Суфлери: Невена Георгиева
***
Диригент: Иван Еминовиќ
Режисер: Трајко Јордановски
Асс.Режисер: Љупка Јакимовска
Сценограф / Костимограф: Марија Ветероска
Концерт мајстор: Игор Тодоров
Светло дизајн: Васко Лисичов
Корепетитор: Андреја Наунов, Јанинка Невчева, Елена Сиљаноска, Јордан Петрушевски
Сценограф / Костимограф: Марија Ветероска
Билетарница: 02 3118-451
онлајн: www.operabalet.mk
