„Оревокршачка“, на 31 јануари и 3 февруари

68

Омилената балетска бајка за сите генерации, од Петар Илич Чајковски, на сцената на Националната опера и балет ќе се изведе на 31 јануари и 3 февруари 2023, во 20 часот.
Балетот „Оревокршачка” е волшебна бајка – мириса на снег, карамела и на цимет. Обоен е со црвено, златно и со бело. Веројатно затоа на публиката никогаш не ѝ е доста од „Оревокршачка”.
Балетот „Оревокршачка” е волшебна, новогодишно-божиќна бајка – мириса на снег, карамела и на цимет. Обоен е со црвено, златно и со бело. Веројатно затоа на публиката никогаш не и е доста од „Оревокршачка“ пред Нова година, секоја година.
I чин
Дејството се одвива во старо германско гратче, на почетокот на минатиот век.
Вечер, приквечерие на Божиќ. Улицата е весела и празнична. Меѓу поканетите на празникот oколу елката присутен е и стариот мајстор на играчки, пријател на децата Дросермаер. Гостинската соба на семејството Шталбаум е украсена празнично. Се собираат гостите. Влегува и Дросермаер, кој со себе носи подароци. Се е подготвено за празникот. Влегуваат деца. Почнува играта криенка. Им се придружува и Дросермаер, му ги врзуваат очите и прв ја фаќа Клара, ќерката на Шталбаум. По играта почнуваат танците. Се појавува Дросермаер во костим на магионичар. Ги покажува своите магии и изведува куклена претстава. Кралот на глувците сака да ја украде принцезата, но храбриот Оревокршач го убива кралот на глувците. Дросермаер неуморно измислува други игри. Тој им ја покажува на децата куклата – Мавар на навивање. На Клара најмногу и се допаѓа Оревокршачот. Франц и го одзема на Клара Оревокршачот, но во неговите раце останува само откачената глава на куклата. Дросермаер бргу ја поправа куклата. Клара го гали и го смирува навреденото љубимче. Доцна е, гостите си заминуваат. Балот завршува со танци. Клара се збогува со Оревокршачот, се гасат светилките на елката. Дадилката ја води Клара на спиење. Таа сонува сон како глувците ја окупираат гостинската соба, на чело со нивниот крал. Оревокршачот ги предводи оловните војничиња и напаѓа. Клара оди по него, го пребродува стравот, решително го фрла чевличето кон кралот на глувците и така го спасува Оревокршачот. Кралот на глувците е поразен и со својата војска исчезнува. Дросермаер ја претвора Клара во прекрасна девојка, а Оревокршачот во прекрасно момче. Почнува патешествието во земјата на бајките. Паѓа снег…
II чин
Клара и Оревокршачот се наоѓаат на волшебниот остров. Почнува празникот. Клара и Оревокршачот се среќни. Танцуваат заедно со сите. Се ближи утрото. Волшебниот сон завршува, Клара се буди.
Настапуваат првенците, солистите, балетски ансамбл при Националната опера и балет и ученици од ДМБУЦ „Илија Николовски Луј“.
Кореограф: Василиј Иванович Ваинонен (Русија)
Сценограф: Анатолиј Нежњи (Русија)
Костимограф: Љупка Ристовска
Репетитори: Горан Божинов, Александра Мијалкова, Васил Чичиашвили, Билјана Пашариковска, Наташа Јосифовска, Дафина Данилоска-Кочевска
Настапуваат:
Клара: Ивана Коцевска
Принц: Франциско Хименес Руиз (Шпанија)

Онлајн: www.operabalet.mk
Билетарница: 078 426 536
02 3118 451

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.