Манчевски-претседател на жири во Софија

8

Македонскиот режисер Милчо Манчевски ќе биде двојно честуван на „Софија филм фест“ (СФФ): ќе биде претставена целосна ретроспектива на творештвото на Манчевски – неговите седум долгометражни филмови и два од краткометражните, а тој ќе биде и претседател на меѓународното жири на 27. издание на „Софија филм фест“ (СФФ) (16-26 март 2023 година).

Во рамките на фестивалот ќе биде прикажан и најновиот филм на Манчевски, црната комедија „Кајмак“, најгледан филм во Македонија годинава. „Кајмак“ е македонско-данско-холандско-хрватска копродукција поддржана од Еуримаж и во копродукција со МРТВ, која ја имаше светската премиера на Токискиот филмски фестивал, најголем фестивал од А-категорија во Азија и деновиве сè уште се прикажува во македонските кина.

Во 1995, во програмата на СФФ беше прикажано дебито на Манчевски, „Пред дождот“ (кој освои номинација за Оскар и 11 награди во Венеција, вклучувајќи го и Златниот лав), а во 2020 тој повторно гостуваше во Софија за да го претстави својот филм „Врба“ кога доби и специјална награда на СФФ.

Минатата недела Манчевски беше претседател и на жирито на меѓународен фестивал во Рим.

https://siff.bg/en/articles/all-news/the-world-famous-director-milcho-manchevski-will-be-the-president-of-the-international-jury-of-27th-sofia-international-film-festival-2023?fbclid=IwAR0gk67e_wiCuS5MWA55L9OGbd3q8stfuPuHBmTw3jXT9Nt2bs5pfsMlG5A

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.