Бојан Петковски со своја изложба на фотографии и промоција на филм

13

Во Малата сала на Народниот театар- Гевгелија, на 3 мај, со почеток во 12 часот, ќе биде отворена изложба на фотографии „Реинкарнација“ и ќе се промовира краток филм „Не плети лесо“.
Станува збор за настан од традиционалната уметност и материјалната култура во 19 и 20 век, на кој ќе се презентираат авторски дела на младиот уметник и етнокореолог, Бојан
Петковски од Скопје.
„Реинкарнација“ е изложба на фотографии од автентични ситуации на носење традиционални носии од етничките предели: Скопска Блатија, Скопска Црна Гора, Долни Полог, Струшко Поле, Охридско Поле, град Струга, Дурачка Река, Азот и на Ромите во градот Скопје. Проектот е симбиоза на научно-истражувачка и собирачка дејност, како и уметнички концепт за презентација на истото.
Додека, во краткометражниот филм „Не плети лесо“ се прикажува свадбен обред од етничкиот предел Дурачка Река, за
заплетувањето на идната невеста. Филмот е снимен на две локации, во селото Дурачка Река и во Музејот на Македонија, а во него учествуваат уметниците на Ансамблот „Македонија“.
Настанот е во организација на Домот на културата „Македонија“- Гевгелија, во соработка со етнокореологот, Бојан Петковски. Влезот е слободен.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.