Свечено отворање на 45. издание на „Скопско лето“

41

Овогодишното јубилејно 45. издание на мултимедијалната манифестација „Скопско лето“ свечено ќе се отвори на 21.06.2024 година (петок), на Светскиот ден на музиката и Првиот ден на летото, со ексклузивен концерт на хрватскиот пијанист и композитор Звјездан Ружиќ, кој ќе го изведе проектот „Pianotron“ во Куршумли ан, со почеток од 20.30 часот.

Билетите се во продажба „онлајн“ на ПИЈАНОТРОН – karti.com.mk , а истите ќе можат да се купат и пред почетокот на настанот на влезот на Куршумли ан.

Повеќенаградениот хрватски пијанист и композитор Звјездан Ружиќ доаѓа во Скопје, за првпат, со својот уникатен проект „Пијанотрон“. Пијанотрон е комбинација од пијано, мелотрон и педали на кои Звјездан свири со нозете. Накратко – Звјездан е човек – оркестар! Иако Звјездан е академски џез пијанист, тој го опишува Пианотрон како филмска музика, украсена со влијанија од џезот, класичната, поп, рок и етно музиката. Звјездан има соработувано со многу големи уметници, како што се: „2Cellos“, „Harlem Gospel Choir“, Јосипа Лисац, Масимо Савиќ, Нели Андреева, Лука Паљетка и многу други. Со неговата музика има настапувано низ целиот свет: од Америка, низ Европа, одржа две големи турнеи во Кина, а со „2Cellos“ одржа голема турнеја во Јапонија, Австралија и Нов Зеланд.

Неговите авторски албуми беа наградени со 5 престижни награди за дискографија „Порин“ (познато како хрватско Греми), а Хрватскиот музички сојуз 6 пати му ја додели наградата „Статус“ за најдобар џез пијанист во Хрватска.

Звјездан е официјален уметник за „Yamaha Pianos“ за целиот свет, а во Скопје пристигнува директно од Лондон, каде што моментално живее и ја гради својата меѓународна кариера. На неговиот роденден, на Светскиот ден на музиката, Звјездан Ружиќ и неговиот пијанотрон ќе ја почестат публиката во Скопје со вечер за паметење!

За сите дополнителни информации, следете нé на нашите социјални медиуми:

– „Facebook“: Facebook

– „Instagram“: Skopsko Leto (@skopskoleto) • Instagram photos and videos

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.