Нови сликовници со кинески народни приказни

13

„Македоника литера“, во копродукција со кинескиот издавач „Делфин букс“ од Пекинг, НР Кина, публикуваше серија со сликовници со кинески народни приказни. Серијата содржи пет познати и репрезентативни кинески класични приказни, и тоа: „Говедарот и Ткајачката“, „Легендата за Неџа“, „Ќерката на Огнениот Император“, „Лотосовиот фенер“ и „Пангу ги создава земјата и небото“. Прераскажани се од Френсис Жерар (Англија), илустрирани се со оригинални илустрации од познати кинески ликовни уметници: Ванг Веиџи, Ли Хаијан и Ју Ѓун. Преводот од англиски јазик е на Дијана Крстевска, Бојана Богдановска, Елена Саздовска и Кристина Стаменова. Сите наслови се целосно илустрирани и целосно печатени во боја.
Произлезени од легенди, басни и фолклор и пренесувани од многу генерации, овие приказни зборуваат за доблестите на смелоста, храброста, добрината, мудроста, понизноста, чесноста и добриот хумор. Преполна со фантастични слики и со раскажани приказни, оваа серија на младите читатели им отвора прозорец во богатото кинеско наследство од три илјади години неверојатна култура.
„Македоника литера“ и досега му посветуваше внимание на публикувањето на народни приказни и легенди, така што веќе има публикувано: „Нордиски народни приказни“, „Шведски народни приказни“ „Руски народни приказни“, „Бугарски народни приказни“, „Корејски народни приказни“ и кинеските историски приказни и легенди „Подемот и падот на кинеските династии“.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.