Целата документација на една од најголемата светска манифестација на поезијата „Струшки вечери на поезијата“ ќе бидат сместени во депото на Охридскиот архив. Фотографии, документи, снимки , рачни ракописи од големиот број поети ширум светот, ќе бидат архивирани и добро сочувани за идните генерации како дел од историјата на земјава.
54 те архивски кутии со вредни документи од 1963 – 1990 година ќе бидат достапни за истражување од научната фела.
Струшки вечери на поезијата е манифестација што се одржува секоја година во градот Струга како туристички центар и на неа присуствуваат најмалку 200 светски поети. Името на Струшките вечери на поезијата е внесено во сите поетски карти на светот. Струшките вечери на поезијата е единствена меѓународна манифестација од ваков вид, се смета за мост меѓу литературните меридијани на светот.
Целокупната документација на најстарата поетска манифестација во земјава „Струшки вечери на поезијата“, е предадена во Државниот историски архив. Вредните документи од 1963 до 1990 година, како дел од историјата на земјава, ќе бидат соодветно чувани за идните генерации .Во документацијата има и аудио и видео записи на касети и микрофилмови.
„Тоа значи огромен чекор не само за охридскиот архив и за самата манифестација. Успеавме да ги преземеме овие докуемнти и тие понатаму ќе бидат достапни за идните поколенија како еден вид сведоштво за оваа манифестација и врз основа нив нормално ќе се пишуваат научни трудови“, вели Никoла Митровиќ, директор на Охридскиот архив.
Целиот фонд на документи ќе оди на ре-обработка согласно архивските стандарди, а потоа ќе има публикации достапни за научната фела, која што ќе биде заинтересирана да го проучува фестивалот.
