На 27 мај – Ликовна изложба и документарен филм во Гевгелија во чест на заштитникот на градот, Спасовден

665

Домот на културата во Гевгелија е организатор на онлајн ликовната колонија, која во пресрет на прославата на заштитникот на градот, Спасовден, се одржува со учество на 17 членови на Друштвото на ликовни уметници од Гевгелија.

Учесниците го прифатија предизвикот, во услови на пандемија од коронавирусот, да работат од дома на повик на Домот на културата кој им обезбеди материјали за работа, односно платна и палети од по 15 акрилни бои.

Учесниците на онлајн ликовната колонија се обврзаа да изработат по едно дело, или вкупно 17 дела кои ќе бидат претставени пред јавноста на завршната изложба која е закажана за 27 мај во фоајето на Народниот театар во Гевгелија со примена на сите мерки за заштита од ширење на Ковид-19.

Покрај ова, на една од фасадите спроти објектот на Театарот ќе биде прикажан документарен филм кој се снима за времетраење на ликовната колонија со цел да го претстави творењето на уметниците од дома.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.