Со нова претстава Коле Ангеловски слави 60 годишен јубилеј

266

Со новата претстава, по негов текст, „Птица со глава меѓу нозе“ чија премиерата на драмата е закажана на 10 ноември во 20 часот во Драмски театар, режисерот Коле Ангеловски слави 60 години активна уметничка кариера.

Ангеловски го пишувал текстот во 2018 и 2019 година, и како да предвидел некои работи кои се случија и кои случуваат.

На денешната прес конференција директорката на театарот Катарина Коцевска- Хаџи Василева, рече дека премиерата ѝ ја посветуваат на колешката Сабина Ајрула-Тозија, која почина на 10 август на 75 години.

Ајрула-Тозија е една од легендарните актерки на Драмски, најпрепознатлива беше по улогата на Фатиме, токму од претставата на Ангеловски, „Солунски патрдии“, и затоа сакаат да ѝ оддадат почест.

Играат: Стефан Вујисиќ, Маја Вељковиќ-Пановска, Благој Чоревски, Марија Кондовска, Ѓокица Лукаревски, Анастас Тановски, Калина Наумовска, Благица Димитровска и Симон Манасковски.

Сценографијата е на Илина Ангеловска, костимите на Раде Василев, а музиката ја направи Кокан Димушевски.

Со последните одлуки на Владата, театрите може да примат 50 отсто публика, влезот е со ковид сертификат за примена вакцина или прележана болест.

https://mk.wikipedia.org/wiki/%D0%9A%D0%BE%D0%BB%D0%B5_%D0%90%D0%BD%D0%B3%D0%B5%D0%BB%D0%BE%D0%B2%D1%81%D0%BA%D0%B8

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.