Изложба со народни носии во Кратово

41

Во Музеј на град Кратово на 20 ноември 2021, свечено беше отворена изложбата на традиционални балкански народни носии во организација на општина Кратово и Ансамбл Македонија од Скопје.

Ба изложбата беа претставени традиционални народни носии од Балканот од крајот XIX и почеток на XX век, класифицирани според социјалниот статус, прикажани на фотографии и тоа од: Конавле – Хрватска, Славонија – Хрватска, Посавина – Хрватска, село Летница – Хрвати од Косово и Метохија, Горна Морава – Косово и Метохија, Самоков – Бугарија, Харманли – Бугарија, Црна Трава – Србија, Пчиња – Србија, Црна Гора, Хрвати – Босна и Херцеговина.

-Културните збиднувања се многу важен сегмент од општественото живеење, затоа тие заземаат значаен дел од мојата програма за работа, бидејќи истите се нужно потребни за нашиот град. На Кратово како жив музеј му прилегаат вакви настани, затоа силно ќе ги поддржувам во интерес на збогатен културен живот на нашите граѓани, изјави градоначалникот на Кратово Тодорче Николовски на отворањето на изложбата.

На изложбата со вокални изведби од Посавина – Хрватска се претставија и уметниците на Ансамблот Македонија од Скопје.

– Идентитетот на еден народ се темели на фолклорот, традицијата, песната, орото, носијата. Вечерва имаме ретка можност да ги претставиме балканските народи преку нивната носија прикажани на оваа ревија овде во градот на кулите и мостовите што за нас претставува вистинско задоволство. Оваа изложба е дел од Меѓународната ревија на народни носии, проект, поддржан од министертсвото за култура на Република Северна Македонија, изјави Владимир Јаневски, редовен професор на катедрата за етнокореологија на музичката академија во Штип и менаџер на Ансамблот Македонија.

Сите љубители на фолклорот и традицијата ќе можат да ја погледнат изложбата до крај на овој месец која ќе биде отворена до 30 ноември во галеријата на Музеј на град Картово..

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.