На 14 јули 1789 година, народот на Париз го освоија злогласниот затвор Бастилја и ги ослободија затворениците, со што почна Француската револуција . Овој ден се слави како национален празник на Франција.
Француската револуција е движење што ја потресе Франција меѓу 1789–1799 и претставува период на голема политичка и општествена промена во француската политичка историја, но и на Евроа во целина. Во неа, француската структура на власта, претходно апсолутна монархија со феудални привилегии за аристократијата и католичкото свештенство, претрпела радикална промена во форми инспирирани од просветителските идеали на република, граѓанство и неотуѓиви права.
Овие промени биле проследени со насилни немири, вклучувајќи и масовни егзекуции и репресија за време на таканареченото Владеење на Теророт, како и со француските револуционерни војни, кои ќе зафатат голем дел од континентална Европа , со создавање на краткотрајни француски клиентски држави (сестрински држави) и менување на европските граници.
