Четврток, 9.Март, “Марија Димитријевиќ квартет” ќе музицира во скопскиот концертен клуб Аудиокултура, новата музичка мека на современите македонски музички уметници.
Џез, варијации на џез, латино, потемпераментни ритми, музички коктел во нејзин препознатлив манир.
Концертот почнува во вообичаениот концертен термин на клубот, 19.30 часот, и трае нешто повеќе од еден час.
Погледнете ја и програмата за другите мартовски настапи кои нѐ очекуваат на ова пријатно музичко катче.
***
“Live at Audiokultura” (50 гости) со Марија Димитриевиќ Квартет на 09.03.2023, четврток.
Под генерално покровителство на Комерцијална банка АД Скопје, бендот во состав:
Марија Димитријевиќ- вокал,
Гордан Спасовски- пијано,
Кирил Туфекџиевски- контрабас и
Виктор Филиповски – тапани
ќе изведе музика преку која до посетителите ќе ги доближи пријатните џез ритми и врвниот звук од системите на Теохаров аудио.
Концептот за промоција на квалитетна музичка култура е поддржан и од Винарија Камник која секој “Live at Audiokultura” настан го збогатува со можност за дегустација на одличните вина од својот богат асортиман.
