Павле Камилоски создаде предновогодишна магија во МНТ

64

Сѐ попознатиот македонски пејач, тенорот Павле Камилоски на 15 декември 2023 година во својот календар ќе го вреже како датум на својот предновогодишен концерт во Македонскиот народен театар, на кој во заднина на магијата што ја создаде доминираа звуците од светски божиќни и новогодишни хитови, неговата елеганција на сцена и љубовта на која инсистираше и самиот тој. Љубовта и преку песните и во своите обраќања до публиката.
Пејачот беше уште веднаш видно возбуден од среќа. Ги поздрави присутните во полната сала на македонски, а своите пријатели странци и на англиски јазик, и ѝм порача да се чувствуваат како да се дома кај него, посебно заблагодарувајќи ѝм што одвоиле од својот буџет средства а и време, да дојдат заедно да ја слават таа ноќ.
-Колку сте убави сите насмеани, дотерани, срцево ми е полно, верувајте ми, ѝ се обрати на публиката, а кажа и здравица, во врска со коктелот со освежителни напитоци, со кој беа пречекани на влезот и ѝм се заблагодари на Горан и Марин од “Саманта” што го овозможиле.
Романтичниот изведувач “ја испиша книгата” на овој свој концерт со познати светски божиќни и новогодишни хитови (It’s the most wonderful time of the year, Let it snow, Santa Claus is coming to town…), но пред сите тие да бидат испеани, најпрво, влезот во репертоарот го направи со својата “Универзумот си работи за нас”. Не остана должен да запее и уште нешто на македонски јазик, тука беше и “Еден бакнеж” која ја заврши со пораката низ песната “Ве љубам јас”. Запеа и од Масимо Савиќ, а пред крај за изненадување исполни песни во дует со пејачката Наташа Миха.
За миг Камилоски нѐ пренесе во некои (по)романтични места, некои други меридијани, на момент како и на ексклузивни крстарења на брод, па на некои ладни предели каде гранките на дрвјата како да натежнале од снег, а сето тоа во топлата сала на Македонскиот народен театар.
Изведувачот следи комплетно светски стандарди во изведбите, и веќе е слободно може да се каже дека универзумот си работи за него а “неговото вистинско време” е сѐ поблиску, за среќа и на публиката која пак очекува нови хитови и нови вакви магични концерт.


Валентина Ѓоргиевска Парго

(Како изгледаше атмосферата на концертот од ложа, аматерски снимки)


куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.