“Цветинова награда за мир” и за Ферид Мухиќ

28

Неуморниот сликар и хуманист Живко Поповски – Цветин вчера, 18 Ноември, му додели ” Цветинова награда за мир“ и на истакнатиот македонски универзитетски професор, филозоф и публицист, Ферид Мухиќ. Цветин нагласи дека доделувањето на „Цветиновата награда за мир“е по повод Светскиот ден на филозофијата. Овој ден, кој е востановен од УНЕСКО, секоја година се одбележува третиот четврток од ноември и се слави низ целиот свет, со фокус на филозофијата и нејзините придобивки, а тоа на некој начин е поврзано со културата, науката и мирот – изјави Живко Поповски – Цветин.

Покрај Мухиќ, досега „Цветинова награда за мир“ ја имаат добиено Димитар Илиевски, меѓународен шаховски мајстор, првиот македонски дневен весник „Нова Македонија“, Јордан Плевнеш и Коста Балабанов.

Цветин досега подарил над 60.000 свои слики и организирал над 300 изложби во земјава и на разни меридијани, а во 2009 година беше номиниран за Нобелова награда за мир и беше меѓу петте кандидати од вкупно 205 кандидати. Во 2015 година нацрта цветна слика од 1001 метар.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.