Замина во вечноста  легендата Невенка од “Мањифико”

21

Вчера, 25 август 2022 година, во вечнитен легенди влезе големата легенда на музичкото небо Невенка Кочовска, вокалистка на легендарната група „Мањифико“, една од најславните групи во 1960-70-те во поранешна во поранешна Југославија, основана од нејзиниот сопруг у музички придружник Оанделиј Панче Кочовски.

Невенка имаше 81 година, а со години боледуваше од Алцхајмерова болест.

Таа е мајка на популарните пејачки Тања и Лидија Кочовски.Последен пат славното музичко семејство настапија заедно на “Златна Буба Мара ” во февруари 2017, кога со изведба на мексиканската песна „Мама Хуанита“, и добија награда за животно дело за ансамблот „Мањифико“.Ансамблот бил формиран во 1959 година и постоел до 1990 година. Го формирале Пантелеј Кочовски-Панче и Крсто Таушанов, ученици во Средното музичко училиште во Скопје, додека биле на младинска работна акција во Демир Капија, најужната делница од автопатот Братство- единство за да настапат на приредба. Од бригадирите им се приружил Сергеј Поповски, гитарист, исто така, ученик во Музичкото училиште. Набргу, на местото на Сергеј доаѓа Димитар Томов-Митко, одличен гитарист и вокал, а следната 960 година, во Музичкото училиште ја откриваат Невенка Арсова и нејзиниот раскошен алт. Таа година квартетот го добива името „Мањифико“.

На четворката, по 10 години ѝ се приклучува и извонредниот гитарист и пејач Петар Галев. Во „Мањифико“ во одредени периоди значајно учество имале и Јане Коџабашија, Миле Лукаров и Миле Барбаровски. Во текот на 31- годишното постоење „Мањифико“ настапила во 37 земји на сите континенти, имала 3.700 концерти и 600 добротворни настапи, кои ги посетиле преку 7 милиони гледачи. И дискoграфската продукција на „Мањифико е импозантна“: 28 мали грамофонски плочи, 5 албуми, 4 аудио касети, 1 видеокасета, 3 аудио компакт дискови и 1 DVD, речиси сите продадени во златен или сребрен тираж, објави порталот Сдк.мк.

Радиостаниците за „Мањифико“ емитувале 192 емисии, а на 16 ТВ станици се снимени 140 полчасовни и едночасовни шоу програми. Нивниот концертен репертоар е составен од 320 песни, најмногу од латиноамериканско и шпанско поднебје, но и од светски евергрини, како и македонски староградски бисери.

„Мањифико„ настапувале пред претседателот на Југославија Јосип Броз Тито, а неколкупати и пред дипломатскиот кор на тогашната федерација. Мексиканскиот претседател Лопез Матеос, воодушевен од изведбите на „Мањифико“ ѝ подарил комплет мексикански оригинални народни носии. Настапуваа низ целиот свет. Во Македонија се гордост на музичката сцена.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.