Фестивалот „Панфиз“ ќе се одржи на отворено на 19 и 20 септември

80

Меѓународниот фестивал на пантомима и физички театар „Панфиз“ оваа година, поради новата реалност, првпат ќе се одржи на отворено пред МНТ, на 19 и 20 септември.

Местата ќе бидат ограничени (30), во корелација со просторот, а по препорака на Комисијата за здравство. Билети ќе бидат поделени пред претстава по принципот прв дојден прв услужен.

„Како и секаде, така и во овој случај, ќе се врши мерење на температурата пред влегување, носењето маска е задолжително за сите, а дезинфекциски средства ќе бидат поставени на видни места за ваша и наша заштита“, велат организаторите.

На фестивалот ќе има гости од Србија – „Алис ин вондербанд“ со претставата “Кис“, од Бугарија Филип Дончев со претставата „Лакомиот“, а за крај буто-перформанс, копродуциран од театри од Македонија и Србија.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.