Велешкиот театар со „Црвенкапа“ пред децата на Македонско културно лето во Пустец

1425

Во среда, на 3-ти јули, со почеток во 20.30 часот, Театарот „Јордан Х.К-Џинот”, Велес ќе настапи на Македонското културно лето во Мала Преспа, Албанија со претставата за деца „Црвенкапа” во адаптација на Сашо Димоски, а во режија на Деан Дамјановски.

Црвенкапа” е современа адаптација на добро познатата сказна за Црвенкапа и лошиот волк и истата е наменета за деца и младинци. Претставата покрај комичниот и забавен елемент, има и едукативен карактер, правејќи јасна споредба помеѓу безбедноста на градот наспроти опсаностите на шумата, нагласувајќи ја презафатеноста на родителите и преокупираноста на децата со мобилните телефони, но и потребата од консумирање на здрава храна.

Сценографијата за претставата е на Филип Коруновски, костимографијата на Катерина Чукниева, а автор на музиката е Сашко Костов. Во претставата настапуваат актерите: Славица Манаскова како Црвенкапа, Васил Зафирчев како Волкот, Самоил Стојановски како Ловецот, Кети Борисовска како Мајката и Весна Димитрова Бобевски како Бабата.

куларт.мкСодржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.