19 април е 109-иот ден во годината според Грегоријанскиот календар (110-и во престапна година ). Остануваат 256 денови до крајот на годината.
Од настаните на овој ден го издвојувам прогласувањето на Јованка Орлеанка(француски: Jeanne d’Arc ), ( 6 јануари 1412 – 30 мај 1431) за светица, цели пет века од нејзиното осудување како вештерка и палење на кол.Таа е народна хероина на Франција и Светец на Католичката црква. Уште на 17 години, таа ја командувала француската кралска армија, убедувајќи го кралот Шарл VII да ги истера Англичаните од Франција и подоцна, овозможувајќи го неговото крунисување.
Во 1429 на чело на неколку стотици Французи, кај Поатје ги победи англиските освојувачи и го зазеде градот Орлеан. Бургундијците ја заробуваат во 1430 и им ја предаваат на Англичаните, по што е осудена за ерес и запалена на кол во 1431 во градот Руан.
Во 19 век, таа е прогласена за француска национална хероина. Јованка Орлеанка е прогласена за светица од страна на Католичката Црква во 1909-та година на 19.април.
Јованка Орлеанка е тема во уметноста, литературата, музиката и популарната култура. Република Ирска, Канада, Велика Британија и САД покажуваат голем интерес за нејзините дејствија и се смета за една од најсилните жени во историјата полна со решеност и вера.
Цели пет века се чекало промена на општествените и црковните убедувања, да се тргне ересот од нејзиното име и да се прогласи за хероина а после и за светица.
