Радецкиoт марш како шлаг на секој ноогодишен концерт исполнет со аплауз на публиката овој пат ќе остане како и целата Програма да се изведува пред празна сала. Ќе ги нема воедначените аплаузи и насмеаните лица упатени кон секогаш шармантниот диригент.
Салата на Музикферајн во Виена на 1. јануари 2021 година ќе остане празна , а оркестарот ќе ја отсвири предвидената програма за милионската публика ширум светот кои ќе ја следат онлајн.
И овој настан ќе биде во согласност со новата не така пријтна реалност. Како што соопшти ОРФ, австрискиот радидифузер кој секоја година го пренесува концертот, овој пат публиката од целиот свет, без оглед на тоа дали има билет или не, ќе може да го сними својот аплауз. Потоа тој ќе биде синхронизиран со концертот, со кој оваа година по шести пат во својата кариера ќе диригира Рикардо Мути. Тој ќе биде пренесуван во над 90 земји.
Oдлуката за виртуелно одржување доаѓа откако владата на Австрија одлучи дека нема да можат да се одржуваат концерти до 6 јануари 2021. Така, ако веќе имате купено карти, парите ќе ви бидат вратени.
Малку атмосфера од минатогодишниот Радецки марш убаво ќе е да се послуша.
